Петров: Гласањето на 15 јули ќеза нашето здравје биде безбедно
- Детали
- Категорија: Македонија
- Создадено: 09 Јули 2020
Гласањето на 15 јули ќе биде безбедно за нашето здравје, изјави потпретседателот на СДСМ, Коста Петров.
Во таа насока, додаде тој, институциите, здравствената стручна јавност, подготви сигурен и ефикасен протокол за заштита на здравјето при гласање, кој обезбедува максимална заштита за гласачите, набљудувачите, членовите на избирачките одбори и сите учесници во изборниот процес.
„Протоколите предвидуваат дека граѓаните треба да дојдат на гласачкото место со маска која ги покрива и носот и устата, да се избегнува секаков физички контакт, да се држи определена дистанца и да се дезинфицираат рацете и пред и по гласањето. Просториите во кои се гласа ќе бидат редовно проветрувани и дезинфицирани и ќе биде дозволен влез на граѓани онолку колку што има поставени паравани за гласање“, кажа Петров.
Со строгото почитување на овие протоколи, истакна тој, граѓаните можат да бидат сигурни дека гласањето е безбедно и за нив и за останатите.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс