ДИК сè уште ги нема конечните резултати од изборите
- Детали
- Категорија: Македонија
- Создадено: 16 Јули 2020
Државната изборна комисија информира дека сè уште се врши прием на материјалот од општинските изборни комисии и при тоа рачно се проверуваат записниците за сумирање и утврдување на резултатите од избирачките места, како и записниците за сумирање и утврдување на резултатите од општините со цел точно да можат да се утврдат неофицијалните конечни резултати.
„Неофицијалните конечни резултати ќе бидат соопштени на попладневната седница на Државната изборна комисија, за која благовремено ќе известиме“, соопшти ДИК.
Веб-страницата на ДИК и денеска не функционира.
Според последните неофицијални резултати на Државната изборна комисија, од преработени 3.421 од вкупно 3.480 избирачки места, коалицијата „Можеме“ предводена од СДСМ освои 46 пратенички места, а ВМРО-ДПМНЕ и коалицијата 44.
ДУИ освои 15 пратенички места, а коалицијата Алијанса за Албанците/Алтернатива – 12. Левица освои две пратенички места и ДПА едно место во Парламентот.
Според неофицијалните резултати, СДСМ и коалицијата освоиле 36.12 отсто гласови, а ВМРО-ДПМНЕ 34.85.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
