Костадинов: За три месеци, околу 20.000 компании добиле добиле финансиска поддршка за вработените
- Детали
- Категорија: Македонија
- Создадено: 22 Септември 2020
Преку мерката финансиска поддршка од 14.500 денари по вработен, во месеците април, мај и јуни со 79,5 милиони евра поддржани се околу 120.000 вработени лица и околу 20.000 компании. Ова го истакна портпаролот на СДСМ и пратеник, Костадин Костадинов на прес-конференција.
Покрај компаниите, со финансиска поддршка биле поддржани и речиси 6.000 вршители на самостојни дејности, а вкупната поддршка изнесува над четири милиони евра во период од три месеци.
Костадинов рече дека СДСМ, преку Владата којашто ја предводи, презело ефикасни и навремени економски мерки за помош на граѓаните и економијата во справување со последиците од коронавирусот.
„Ова не се само обични бројки, ова не е само обична статистика. Ова се реални работни места во нашата економија“, истакна Костадинов.
Тој најави дека во тек се подготовките на четвртиот пакет антикризни мерки кој наскоро ќе биде презентиран и кој ќе донесе уште поголема поддршка на работниците и компаниите.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
