Спасовски се сретна со делегација на Независниот синдикат на полицијата
- Детали
- Категорија: Македонија
- Создадено: 28 Септември 2020
Министерот за внатрешни работи, Оливер Спасовски, се сретна со делегација на Независниот синдикат на полицијата, предводена од претседателот Гоце Делчев Тодев.
На средбата претседателот на НСП упати честитки до министерот Спасовски изразувајќи надеж дека и во новиот мандат заеднички ќе бидат носени решенија во интерес на вработените во Министерството за внатрешни работи.
Министерот Спасовски ја потенцира важноста од добрата соработка со синдикатите и подготвеноста за соработка во интерес на вработените во Министерството за внатрешни работи. Тој истакна дека добрите услови за работа и подобрувањето на стандардот на полициските службеници се приоритет и во наредниот период и дека ќе се преземаат соодветни мерки за тоа.
Беше потенцирана и одлучноста за најстрого санкционирање на секој што ќе нападне полициски службеник кој се грижи за безбедноста на граѓаните.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
