Портокалова фаза до четврток, по што следи разладување
- Детали
- Категорија: Македонија
- Создадено: 02 Август 2021
Времето утре ќе биде сончево и натпросечно топло со мала локална облачност. Ќе дува слаб до умерен, а во западните делови повремено засилен ветер од западен правец. Минималната температура ќе биде во интервал од 12 до 23, а максималната од 34 до 42 степена. УВ=9.
Во Скопје сончево и многу топло со слаб до умерен ветер од западен правец. Минималната температура ќе биде околу 19, а максималната ќе достигне 38 степени.
Продолжува периодот на стабилно и натпросечно топло време, но максималната температура од утре ќе биде во просек за 2 степенa пониска во однос на денешната. До четврток ќе биде активирано портокалово ниво на опасност од високи температури. Во четврток попладне и во петок се очекува дестабилизација која ќе услови локален пороен дожд, грмежи и засилен ветер. Во петок температурата дополнително ќе се намали.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс