Две млади лица загинаа во рудникот „Бучим“

Две млади лица загинаа во рудникот „Бучим“. Трагедијата се случи денес претпладне кога двајцата радовишани чистеле високонедостапни силоси, работа што ја извршувале како надворешни лица ангажирани од алпинистичкиот клуб „Плоча“, подизведувачи во рудникот. Засега е познато дека тие починале на пат кон болницата, каде што им подглегнале на повредите.

Од рудникот „Бучим“ преку известување го потврдуваат случајот посочувајќи дека се известени сите надлежни органи. Според нивните информации, двете млади лица починале поради задушување.

„Известени и повикани се на самото место сите надлежни органи што се бараат со закон во таков случај за извршување увид. По првична информација од службите, причината за смртта на двете лица е задушување. Формирана е и комисија, која врши процена за причината за настанатиот несреќен случај во согласност со сите законски барања. Резултатите од истрагата ќе бидат дополнително соопштени. 'Бучим' ДОО Радовиш го искажува своето искрено сочувство до семејствата на починатите лица“, стои во официјалното известување од рудникот „Бучим“.

На терен се екипи и на МВР, кои вршат увид по што се најавени детали за несреќата.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.