Јовески: Видов туби на местото на несреќата, но не беа изгорени

Државниот јавен обвинител, Љубомир Јовески, вели дека на местото на автобуската несреќа на автопатот „Струма“ во Бугарија видел празни туби, но тие не биле изгорени. Ги оцени како шпекулации наводите дека пожарот настанал поради туби со нафта и очекува истрагата да даде појасни информации.

Македонското Обвинителство собира примероци од ДНК од роднините на загинатите за да ги идентификува жртвите, рече јавниот обвинител во разговор за БТВ.

 

 

Јовески објасни дека двајца цариници го пропуштиле автобусот кој тргнал од Северна Македонија без потребните документите.

„Нема да водиме паралелна истрага. Таа се води во бугарското Обвинителство. Ќе сораборуваме. Ќе ги почекаме резултатите и тогаш Обвинителството на Северна Македонија ќе донесе решение како да постапи“. рече Јовески.

Засега не е познато дали причината за несреќата е човечка грешка или дефект на автобусот.Јовески нагласи дека автобусот бил речиси нов, со редовен технички преглед во Северна Македонија.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.