Реакција на СДСМ за прес-конференцијата на Ковачки: Сите лаги на ВМРО-ДПМНЕ потонаа
- Детали
- Категорија: Македонија
- Создадено: 23 Јуни 2022
„Денеска сите тешки лаги кои што ВМРО-ДПМНЕ ги пласираше потонаа. Потона уште еден Титаник на ВМРО-ДПМНЕ. Заедно со нивниот коалициски проруски партнер Левица, гушнати во деструкцијата и желбата да и наштетат на сопствената држава и на сопствениот народ“ реагираат од СДСМ на прес-конференцијата на пратеникот од ВМРО-ДПМНЕ, Драган Ковачки.
Од владејачката партија велат дека „со денови Христијан Мицкоски, Димитар Апасиев и бројни функционери на ВМРО-ДПМНЕ и Левица ширеа лаги дека државата ќе се бугаризира, дека јазикот и идентитетот се распродадени, смислено и тенденциозно создаваа хистерија во јавноста за да нанесат штета на државните позиции“.
„Сите тие смислени лаги за нанесување штета на државата потонаа. Толку ниско се паднати Мицкоски и ВМРО-ДПМНЕ што немаат образ ниту да се извинат. Затоа се опозицијата и ќе останат уште долго во опозиција“ велат од СДСМ.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
