Најмалку шестмина загинати во невремето во Европа
- Детали
- Категорија: Останато
- Создадено: 07 Јануари 2019
Најмалку шест лица загинаа како последица на лошите временски услови во Германија, Австрија и Швајцарија, а властите во тие земји денеска предупредија на ризик од лавина на северните Алпи.
Германската полиција соопшти дека загинал 44-годишен маж во Вакерсбер, во Баварија, кога врз него паднале гранки од дрво натрупани со снег. Од невремето во Баварија загина и една жена.
Во Швајцарија една жена беше потрупана со снег, по што почина од здобиените повреди.
Во Австрија тројца скијачи загинаа во лавина на Алпите.
Поради ризик од лавина, патот и целото скијачко подрачје Хохкар се затворени.
Во австрискиот регион Штајермарк и во некои делови на германската покраина Баварија денеска се затворени училиштата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс