Вкусни полнети шампињони во сос
- Детали
- Категорија: Останато
- Создадено: 24 Март 2019
Фино кремасто и сочно јадење со печурки и пилешко месо ...
Потребно е:
10-12 поголеми шампињони
300 г пилешки гради
200-250 гр ориз
1-2 лажици ајвар
150 мл слатка павлака (без шеќер)
сол, бибер
мелен сув зачин
2-3 лажици масло
Подготовка:
– Шампињоните измијте ги убаво и извадете им ги дршките.
– Во подлабок сад исецкајте ги дршките од шампињони, на коцки пилешките гради и додадете го измиениот ориз, ајвар и зачините по вкус. Убаво измешајте за да се соединат сите состојки.
– Со оваа смеса полнете ги печурките.
– Полнетите печурки наредете ги на дното на една подлабока тава, но не една до друга туку оставете простор помеѓу нив.
– Остатокот од смесата распоредете ја меѓу шампињоните.
– На крај прелијте ги со вода скоро да се прекријат.
– Ставете ги да се печат во претходно загреана рерна на 200 целзиусови степени околу 30 минути. Од време на време додавајте уште вода ако е потребно.
– Во еден сад на рингла загрејте ја слатката павлака и со неа прелијте ги шампињоните. Уште малку запечете ги и извадете ги од рерна за да се изладат.
– По желба во слатката павлака можете да додадете и малку рендан пармезан.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс