Салата со црвен компир (рецепт)
- Детали
- Категорија: Останато
- Создадено: 13 Април 2019
Оваа интересна салата од компир е спој на крцкави и меки состојки. Како резултат добивате многу вкусен додаток на секое јадење.
Потребно е:
1 кг исчистен млад црвен компир
6 јајца
450 г сланина
1 кромид, ситно сечкан
1 целер, ситно сечкан
1/2 кг мајонез
сол, црн пипер
Подготовка:
– Во сад на рингла загрејте вода и сол. Ставете ги исчистените компири и варете ги 15-тина минути малку да омекнат. Исцедете ги и ставете ги во фрижидер да се изладат убаво.
– Јајцата ставете ги да се варат. Треба да бидат тврдо варени. Оставете ги да се изладат, па излупете ги. Исечкајте ги на парчиња.
– Парчињата сланина пропржете ги на масло во тава на рингла додека не станат крцкави. Ставете ги малку на кујнска хартија да се впие маснотијата и потоа со рака искинете ги на помали парчиња.
– Исечкајте го на парчиња и изладениот компир.
– Во еден подлабок сад измешајте ги сите состојки. Додадете го мајонезот, сол и црн пипер по вкус.
– Пред да ја послужите ставете ја салатата 1 час во фрижидер убаво да се излади.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
