Предлог за ручек: Пилешко со шафран, леќа и зеленчук
- Детали
- Категорија: Останато
- Создадено: 15 Јуни 2019
Богатство од мириси и неверојатен вкус…
Потребно е:
500 г пилешко бело месо
250 г црвена леќа
100 г корен од целер
70 г корен од пашканат
1 главица кромид
2 моркови
2 лажици маслиново масло
1 лажиче кари
1 г шафран
1/2 лажиче мелен ким
1/2 лажиче коријандер
1/2 лажиче цимет во прав
400 мл пилешка супа
1 млад кромид
Подготовка:
– Кромидот, целерот и пашканатот исечете ги на мали коцки. Морковите исечете ги на тркалца. Пилешкото месо исто исечете го на коцки.
– Во подлабок сад на рингла загрејте го маслото и на него испржете го пилешкото месо со постојано мешање. Ставете сол и црн пипер по вкус.
– Додадете ги кромидот, морковите, целерот и пашканатот и динстајте 15-тина минути.
– Потоа додадете кари, шафран, ким, коријандер и цимет. Сипете ја супата и варете на тивко уште 10-тина минути.
– Леќата исчистете ја, измијте ја под млаз ладна вода и додадете ја во садот на рингла. Варете додека не омекне леќата.
– На крај зачинете ако е потребно со уште малку сол и црн пипер.
– Младиот кромид исечкајте го. Јадењето сервирајте го во чинии и одозгора посипете со сечканото младо кромитче.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс