РЕЦЕПТ: Тиквички со пченкарно брашно и кашкавал
- Детали
- Категорија: Останато
- Создадено: 28 Август 2019
Многу фини и вкусни …
Потребно е:
2 средни тиквички
3 јајца
50 г сирење
неколку парчиња шунка
100 г некој топлив кашкавал (ајдамер, гауда,…)
3-4 лажици меко брашно
3-4 лажици пченкарно брашно
сол, бибер
италијанска мешавина на зачини
малку прашок за пециво
Подготовка:
– Тиквичките излупшете ги и изрендајте ги на крупно ренде. Посолете ги и оставете ги да пуштат течност.
– Во еден сад ставете ги издробеното сирење, ситно сецканата шунка, јајцата, ренданиот кашкавал, малку прашок за пециво, сол, бибер и мешавината на зачини. Убаво измешајте.
– Сега додадете ги двете врсти брашно и повторно убаво измешајте. На крај додадете ги изренданите и исцедени тиквички и измешајте. Ако има потреба додадете уште малку брашно.
– Калапите за мафини премачкајте ги со малку путер и наполнете ги до пола со горната смеса.
– Ставете ги да се печат во загреана рерна на 180 целзиусови степени околу 50 минути. Некаде пред крај на печењето покријте ги со хартија за печење за да не се препечат.
– Оставете ги малку да се изладат и сервирајте ги.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
