1-ва Скопска - МТМ Телевизија

Се реконструираат детските забавни паркови во Општина Петровец. Градоначалникот Борче Митевски во изјава за 1-ва скопска рече дека предвидено е да се реконструираат 12 детски забавни паркови.

Во населените места Огњанци и Средно Коњари веќе е завршена реконструкцијата а во наредниот период ќе се работи и во другите населени места.

Градоначалникот Митевски додаде дека покрај реконструкцијата на постојните, Општина Петровец ќе изгради и нови забавни паркови каде најмладите жители ќе го поминуваат слободното време во играње.

Митевски истакна дека пред почетокот на учебната година Општина Петровец извршила и подготовка на училиштата. Во централните и подрачните основни училишта искосена е тревата во сите училишни дворови, а во училиштето Кочо Рацин извршено е молерисување на внатрешните ѕидови.