1-ва Скопска - МТМ Телевизија

По 25 години од премиерата на филмот „Основен инстинкт” на Пол Верховен, Мишел Фајфер откри дека таа, а не Шерон Стоун, била првиот избор за главната улога филмот.

Таа ја одбила оваа улога, како и легендарната сцена со прекрстувањето на нозете, што стана заштитен знак на кариерата на Стоун. Фајфер, инаку, ги одбила и главните улоги во филмовите „Убава жена” и „Телма и Луиз”.

– Точно, ги одбив тие улоги, но причините за тоа се бројни… Не дека едноставно не сакав да снимам некој филм, туку понекогаш има и судир на интереси ако веќе си се зафатил да работиш на некое друго остварување, рече глумицата за списанието „Тудеј”.

Нејзина последна улога беше во преработката на филмот „Ориент експрес”, а ќе се појави и во наредното продолжение на „Одмаздници".