Поранешното момче на турската пејачка Сила, осудено за семејно насилство
- Детали
- Категорија: ШоуБиз
- Создадено: 24 Април 2019
Поранешното момче на турската поп-ѕвезда Сила, Ахмет Курал е осуден на 16 месеци условна заторска казна за психичко вознемирување, закани и насилство.
Сила Генчоглу, една од најпознатите турски пејачки, насилството на кое била изложена првпат проговори лани во ноември, кога и го покрена обвинението против Курал. Процесот започна минатиот месец.
– Ќе беше лесно да бидам тивка, но јас го одбрав потешкиот пат. Решив да бидам најгласна што можам и да бидам гласот на илјадници жени, напиша пејачката на Инстаграм.
Според турската платформа за заштита на правата на жените, наречена „Ние ќе го запреме фемицидот", лани во Турција 440 жени биле убиени од страна на мажи. Во четвртина од случите се работело за семејно насилство, извршено од сопругот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
