1-ва Скопска - МТМ Телевизија

Sвездата на Барселона, Лионел Меси и пилотот на Мерцедес, Луис Хамилтон ја освоија Светската награда за спорт на "Лауреус", за 2019 година, пишуваат медиумите.

Меси е првиот тимски спортист кој ја доби оваа награда и со тоа влегува во историјата на наградата, која се смета за „Спортски Оскар“. Се доделува секоја година од страна на Светските награди за спорт, за спортистите достигнувања од претходната година.

Лионел Меси не учествуваше на церемонијата за доделување на наградите, но испрати видео порака. Ова е посебна и многу важна награда. За мене е чест што сум првиот тимски играч што ја добил оваа награда. Обично се дава на претставници од индивидуални спортови. Сакам да им се заблагодарам на моите соиграчи, семејството и навивачите кои ме поддржуваат. Се надевам дека ќе се сретнеме повторно еден ден“, рече Меси.

Минатата година Меси ја освои својата шеста Златна топка, а Хамилтон стана Шампион во Формула 1 по шести пат.