Ед Ширан навестува нов албум оваа година

Хитмејкерот во средата го прослави својот 30-ти роденден и ја искористи објавата на Инстаграм по повод специјалната пригода за да ги открие плановите за 2021 година.

Ед им рече на своите следaчи на социјалната мрежа дека годинава планира да издаде „четврти дел од серијата“, за која се шпекулира дека е референца на насловите на неговите албуми со математичка тематика, откако претходно ги објави плочите Plus (Собери), Multiply (Помножи) и Divide (Подели).

Покрај фотографијата од неговата роденденска торта и друга на која се гледа дете облечено како пират, тој напиша: „30 денес. Ви благодарам за сите ваши прекрасни пораки, се чувствувам многу сакано. Во моментов облечен исто како и на 3-ти роденден. Ќе се вратам онлајн со 4-то продолжение во серијата подоцна оваа година.“

Иако пејачот на мегахитот Shape of You не даде повеќе детали, се смета дека неговиот следен албум може да го следи истиот формат и да биде насловен Minus или Subtract односно „Одземи“.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.