1-ва Скопска - МТМ Телевизија

Мет Дејмон ја искоментира обновената романса на својот долгогодишен пријател Бен Афлек со пејачката Џенифер Лопез и нагласи дека неговиот пријател ја заслужува сета среќа.

50-годишниот актер за „Екстра“ рече: Многу ми е мило за него. Тој е најдобар, ја заслужува сета среќа на светот. Драго ми е и за двајцата".

Двојката - која требаше да се венча во 2003 година, но ја одложи својата венчавка поради „претерано медиумско внимание“ пред да ја откаже свршувачката следната година - последниве месеци повторно се зближи по разделбата на Џенифер со Алекс Родригез.

Џенифер и Бен моментално се на романтично бегство во Сен Тропе, каде во саботата вечерта со група пријатели го прославија нејзиниот 52. роденден во ноќен клуб на француската ривиера.