Добар почеток за „Даунтон опатија: Нова ера“ на благајните

Семејството Кроли сè уште го има кралскиот допир на киноблагајните.

Downton Abbey: A New Era („Даунтон опатија: Нова ера“) – второ филмско продолжение на популарната британска драмска серија - заработи 16 милиони долари од околу 3.800 киносали во Северна Америка во своето домашно деби.

Иако помалку од првичните прогнози, ова означува охрабрувачки почеток во време кога повозрасната публика е селективна за одење во кино.

Постоеше разбирлива загриженост за филмот во поглед на комерцијалните перспективи, а не затоа што долгогодишните фанови на серијата беа уморни од проголтување на интригите во палатата во ТВ-серијата.

Освен „Куќата Гучи“ и новиот филм за Џејмс Бонд, „Не е време за умирање“, многу филмови од ерата на пандемијата наменети за повозрасна публика (како што е римејкот на „Приказна од западната страна“ на Стивен Спилберг и спортската драма со Вил Смит, „Крал Ричард“), се бореа да продадат билети и покрај позитивните рецензии.

Значи, не е мал подвиг што речиси 50 отсто од луѓето што купиле билети за Downton Abbey: A New Era - приказна со чувство на добра забава, сместена во познат серијал – се на возраст од 55 години и повеќе.

Продажбите на билети го доведоа „Даунтон“ на второто место, но не беа доволни да го симнат од тронот Дизниевиот „Доктор Стрејнџ во мултиверзумот на лудилото“.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.