1-ва Скопска - МТМ Телевизија

Во интервју за „Њујорк тајмс“, холивудската ѕвезда Том Хенкс , меѓу другото, се осврна и на мегапопуларната трилогија за Роберт Ленгдон.

Филмовите „Кодот на Да Винчи“, „Ангели и Демони“ и „Пекол“, во режија на Рон Хауард се базираат на книгите на Ден Браун, а Хенкс има главна улога во сите три.

Иако го портретира најважниот лик во трилогијата, славниот актер нема ништо убаво да каже за овие филмови: „Кодот на Да Винчи е измама. Целата трилогија е измама. Да речеме дека Ден Браун напиша „Еве една скулптура во Париз ! Не, сè е таму. Гледате како изгледа овој крст на мапата? Па, тоа е повеќе или помалку крст“, рече Хенкс.

„Тој забавен лов на богатство ја прикажува историјата исто колку и филмовите за Џејмс Бонд прецизно прикажуваат шпионажа,“ додаде тој.

Оскаровецот се присети и на една анегдота од познатиот париски музеј: „Снимавме таа вечер во Лувр. Ги сменив панталоните пред Мона Лиза. Ми ја донесоа роденденската торта во Големиот салон! Кој друг може да се пофали со тоа?"