Арон Тејлор Џонсон е главен кандидат за новиот Џејмс Бонд

Арон Тејлор Џонсон е новиот фаворит да го замени Даниел Крег како Џејмс Бонд во следниот филм од култната сага, дознава британски „Сан“.

Како што пренесуваат и други шоу-биз медиуми, тој бил на тајна аудиција во студиото „Пајнвуд“ и ја воодушевил Барбара Броколи, продуцентката на серијалот за славниот таен агент.

„Арон учествуваше на филмска аудиција за следниот Џејмс Бонд во септември. На Барбара и на продуцентите им се допадна, тој е еден од главните фаворити за улогата“, изјави анонимен извор за британски „Сан“.

Медиумите откриваат и дека Идрис Елба се откажал од преговорите да биде новиот 007, а букмејкерите претходно предвидуваа дека улогата би можеле да ја преземат Хенри Кавил, Реже Жан Пејџ, Том Харди или Џејмс Нортон.

32-годишниот актер, кој е оженет со режисерката на „Педесет нијанси сиво“, Сем Тејлор-Џонсон (55), глуми во „Кик-ес“, и „Одмаздници: Доба на Ултрон и Гоџила“. Својата кариера ја почна во серијата „Армадило“, а стана познат по улогата во Nowhere Boy, биографскиот филм за Џон Ленон од 2009 година.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.