Јокиќ е „мистер трипл дабл“

Ноќта во која Леброн Џејмс стана најдобар стрелец во историјата на НБА лигата, Никола Јокиќ исто така продолжи да урива рекорди. Во убедливиот триумф на Денвер против Минесота (146:112), тој постигна 20 поени, 16 асистенции и 12 скока и стигна до четвртиот последовен трипл-дабл, а десетти во последните 12 настапи.

Тоа е вкупно 29. вакво остварување во сезоната за Јокиќ и 95. во кариерата.

Сето тоа го стори за само 28 минути игра. За толку кусо време на терен, само Ирвин Меџик Џонсон и Расел Вестбрук оствариле трипл-дабл со најмалку 20 поени, 15 асистенции и 10 скока, пред Никола Јокиќ.

Џа Морант со 34 поени, шест скока и седум асистенции ги предводеше Мемфис Гризлис до триумф над Чикаго Булс.

Резултати НБА: Орландо – Њујорк 98:102, Бруклин – Феникс 112:116, Њу Орлеанс – Атланта 116:107, Мемфис – Чикаго 104:89, Денвер – Минесота 146:112, ЛА Лејкерс – Оклахома 130:133.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.