1-ва Скопска - МТМ Телевизија

Со натпреварот меѓу домаќинот Русија и Саудиска Арабија започнува 21-то СП 2018 во фудбал. Мечот ќе се игра на стадионот „Лужники“ во Москва, а претходно ќе биде церемонијата на свеченото отворање, на која главна ѕвезда ќе биде поп пејачот Роби Вилијамс.

Мундијалот ќе се игра на 12 стадиони во 11 градови, ќе настапат 32 репрезентации, а ќе трае до 15.јули. Селекциите се поделени во осум групи, а во нокаут фазата ќе се пласираат по две најдобри селекции од секоја група. Фазата по грипи ќе заврши на 28.јуни, а нокаут фазата ќе започне на 30.јуни.

Големото финале ќе се одигра во Москва на 15.јули. Титулата светски првак ја брани Германија. Освен Германија фаворити за титулата се уште и Бразил, Аргентина, Франција, Шпанија и Англија.