Тренерот на Ливерпул: На теренот видовме тим од највисоко ниво
- Детали
- Категорија: Спорт
- Создадено: 16 Декември 2018
Тренерот на Ливерпул, Јирген Клоп, беше презадоволен од играта на неговите избраници на денешното дерби со Манчестер Јунајтед.
– Воодушевен сум од нашата игра. Начинот на кој денес играа момците е неверојатен. Нашиот план беше да ги поврземе редовите. Првиот гол беше како нацртан. Денеска на теренот гледавме тим од највисоко ниво, изјави Клоп.
Надеж за титулата? Денес игравме против Манчестер Јунајтед, не мислевме на трофејот. Сакавме да победиме на натпревар кој беше многу тежок. Знаеме дека сме добар тим. Денес успеавме тоа да го докажеме, ние ќе продолжиме да го докажуваме тоа, додаде германскиот стручњак.
Во дербито на 17.коло од Премиер лигата Ливерпул го победи Манчестер Јунајтед со 3:1 и се врати на првото место на табелата со 45 бода, еден повеќе од Манчестер Сити.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
