1-ва Скопска - МТМ Телевизија

Претседателот на Ла Лига, Хавиер Тебас е возбуден од можноста Жозе Мурињо да се врати во Шпанија на чело на некој локален тим.

Откако беше ослободен од Манчестер Јунајтед, Португалецот е поврзуван со тренерскиот пост на Реал Мадрид, каде веќе беше ментор.

– Не би било лошо нешто за Ла Лига. Тој е фантастичен тренер, кој има многу квалитети, и би било добро да биде тука, но кој знае во кој клуб би отишол, изјави Тебас пред каталонското радио „РАЦ1".

Тој зборуваше и за Нејмар, Лионел Меси и Кристијано Роналдо.

– Нејмар назад во Шпанија? Сакаме што е можно повеќе ѕвезди, а тој е светска ѕвезда. Но, најважно за нас е да имаме важен бренд како Премиер лигата на Англија, кои немале носител на „Златната топка" од многу години.

- Не можам да ја замислам „Ла Лига" без Меси. Се надевам дека ќе ја заврши кариерата во Барселона и Ла Лига. Тој е најдобар во светот. Би сакал и Роналдо да продолжеше да игра во Реал Мадрид, но се обидовме да ја минимизираме штетата од неговото заминување.

- Тоа не влијаеше на нас во однос на меѓународниот маркетинг, додаде шефот на Ла Лига.