Мареј повторно на операција, нема да игра во Марсеј
- Детали
- Категорија: Спорт
- Создадено: 18 Јануари 2019
Британскиот тенисер Енди Мареј го откажа учеството на турнирот во францускиот град Марсеј и најверојатно ќе биде подложен на нов оперативен зафат.
Поранешниот прв светски рекет подолго време има проблеми со колкот. Тој испадна уште во првото коло на Грен слемот Австралија опен, а сега го откажа и учеството во Марсеј.
На почетокот на годинава Мареј најави крај на својата кариера во јуни.
– Поради болки во колкот Мареј најверојатно ќе оди на нова операција и ќе го пропушти турнирот, објавија организаторите на натпрреварувањето во Марсеј.
Британецот изрази жалење за ваквиот тек на настаните, но потенцира дека немал друг избор.
Турнирот во Марсеј е закажан за периодот 18 – 24 февруари, а замена за Мареј е чешкиот тенисер Томаш Бердих.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс