Челзи доби трансфер ембарго од ФИФА
- Детали
- Категорија: Спорт
- Создадено: 22 Февруари 2019
ФИФА наложи ембарго на Челзи за следните два трансфер прозорци, откако лондонскиот клуб беше прогласен за виновен по обвиненијата за кршење на правилата при привлекување на неколку фудбалери на возраст под 18 години.
„Сините" освен тоа се казнети со 600.000 швајцарски франци, а светската фудбалска централа наметна и финансиски санкции во износ од 520.000 франци и на Фудбалската асоцијација на Англија. Клубот сепак има право да ослободува и продава играчи.
Челзи, исто така, има 90 дена да направи корекции во случаите со засегнатите играчи. Истрагата трае три години и се однесува на трансферите на 29 играчи на возраст под 18 години.
Еден од нив е Бертран Траоре. Челзи сигурно ќе поднесе жалба, па има голема шанса санкцијата да биде замрзната за претстојниот летен преоден рок.
Тоа би значело дека по крајот на сезоната, лондонскиот тим ќе може да направи голема селекција, која треба да ги покрие потребите од нови играчи за целата 2020-та.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
