Вардар на тешко гостување кај Кристијанштад во ЛШ
- Детали
- Категорија: Спорт
- Создадено: 23 Февруари 2019
Ракометарите на Вардар денеска од 19 часот против Кристијанштад го играат мечот од 13 коло во група „А" од Лигата на шампионите.
На вардарци им остануваат уште две средби од групната фаза во ЛШ, вечерва со Кристијанштад и против Монпелје на 2 март во Скопје, а овие два натпревари ќе дадат одговор како ќе стартуваат „црвено-црните" во осминафиналето и кој ќе биде нивниот следен ривал.
За Шведска не отпатуваа Вуко Борозан и Марко Мишевски, а тренерот на тимот Роберто Парондо изјави дека уште неколку играчи имаат проблеми, но тие ќе бидат во комбинација за натпреварот во Шведска.
– Кристјанштад има нов тренер и тие покажаа дека играат добро на домашен терен, сосема спротивно кога се гости. Затоа не знаеме што се може да подготват. Ние сме подготвени да играме онака како што знаеме. Играчите се подготвени за она што следи. Забораваме што било претходно и мислиме само на она што следи. Ќе биде секако тешко поради проблемите што ги имаме, вели Парондо.
На првиот меч сезонава во Скопје, Вардар триумфираше со 33-25.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс