Роналдо: Не се согласувам за голман да се дадат 80 милиони евра, но таков е фудбалскиот свет
- Детали
- Категорија: Спорт
- Создадено: 21 Август 2019
Најдобриот фудбалер на Јувентус, Кристијано Роналдо кажа нешто што сигурно нема да им се допадне на голманите ширум светот, посебно на оние врвните. Според Португалецот, дефанзивците, а посебно голманите не можат да чинат 80 милиони евра.
-Тешко е да се прават пресметки во современиот фудбал. Клубот презема ризици со купување играчи кои имаат одреден потенцијал, а фудбалската индустрија е различна. Тие можат да платат 100 милиони евра за секој играч, дури и ако тој не покажал ништо. Денес во фудбалот има повеќе пари. Централниот дефанзивец и голман може да чини 70 или 80 милиони евра. Не се согласувам со ова, но таков е светот во кој сега живееме, а вие мора да го почитувате, изјави Роналдо.
Пред една година Роналдо од Реал Мадрид премина во Јувентус во трансфер вреден 100 милиони евра.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
