Далајла Мухамед пак го сруши рекордот на 400 метри со пречки!
- Детали
- Категорија: Спорт
- Создадено: 04 Октомври 2019
Американката Далајла Мухамед го сруши сопствениот светски рекорд за да ја освои светската титула на 400 метри со пречки на Светското првенство во Доха со време од 52.16.
29-годишната Мухамед, која е и олимписка шампионка од Рио 2016, ја помина целта за 52.16, за 0.04 секунди побрзо од нејзиниот светски рекорд кој го постави во јули. Мухамед имаше мала предност пред освојувачката на среброто, сонародничката Сидни Меклафлин по 100 метри, но во финишот направи огромна предност. Меклафлин стигна на целта со 52.23, додека бронзата отиде кај Јамајканката Рашел Клејтон (53.74).
Рекордот паѓа повторно по само 68 дена, откако претходно светскиот рекорд стоеше 16 години.
400 МЕТРИ СО ПРЕЧКИ (Ж)
1.Далајла Мухамед (САД) 52.16 СР
2.Сидни Меклафлин (САД) 52.23
3.Рашел Клејтон (Јам) 53.74
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
