Мора да ја добиеме Словенија

Фудбалската репрезентација на Македонија вечерва ќе ја пречека Словенија во рамките на квалификациите за пласман на ЕУРО 2020.

 

На четири кола до крајот на натпреварите во Г-групата пет селекции имаат реални шанси да стигнат д првите две места на табелата. Полска е во најдобра позиција има 13 бода, два повеќе од вечерашниот противник на Македонија, репрезентацијата на Словенија, Австрија е трета со 10, а Македонија и Израел имаат по осум бода.

 

Полјаците сепак се во најдобра позиција, тие вечерва гостуваат кај Латвија која се уште е без бод. Важен меч за почетокот на разврската во групата вечерва ќе одиграат Австрија и Израел.

 

За да ги задржи шансите за висок пласман Македонија треба да ја победи Словенија. Првиот меч одигран на 24 март заврши 1:1, стрелец за Македонија беше Енис Барди, кој поради повреда ќе го пропушти вечерашниот натпревар.

 

– Очекувам добар натпревар, дуел на слични репрезентации на теренот. Имаме две отсуства, за нас тоа е проблем, но на терен ќе излезат 11 подготвени фудбалери, спремни за борба и игра и за она што сите го посакуваме. Не се сомневам во моите фудбалери. Не ме интересира во моментов табелата, размислувам само како да ја добиеме Словенија. Размислувам од меч во меч, прво Словенија, а потоа Полска“, изјави селекторот Игор Ангеловски.

 

Натпреварот на арената „Тодор Проески“ ќе започне во 20.45 часот.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.