Берлускони: Како Милан повторно да биде голем? Вратете го Берлускони

Поранешниот сопственик на фудбалскиот клуб Милан Силвио Берлускони верува дека би можел да го врати клубот на патеките на славата и порачал дека сегашниот директор Иван Газдис не работи добро.

 

Со заминувањето на Берлускони започна кризата на италијанскиот великан, која од година во године е се поголема и поголема. Клубот најпрвин имаше кинески сопственик, а сега е под капа на американски инвестициски фонд. Директор на клубот е Газдис кој во Милан дојде од Арсенал.

 

„Како да направиме Милан повторно да биде оној голем Милан од минатото? Тоа е едноставно од една страна, а многу тешко да се случи од друга страна: Вратете му го на Силвио Берлускони“, порачал контроверзниот бизнисмен и политичар и ја коментирал изјавата на Газдис дека Американците го спасиле клубот од банкрот.

 

„Тоа се реченици што треба да се говорат кога ќе влезеш во тоалет и кога најпрвин ќе ја затвориш вратата“.

 

Силвио Берлускони заедно со својот соработник од Милан, Адријано Галијани, ја предводат Монца екипа која игра во Серија Ц.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.