Компанијата се извини за ВАР-фарсата на Тотенхем-Ватфорд

„Хок-ај иновејшнс“, компанијата која ја обезбедува ВАР технологијата во Премиер лигата се извини на навивачите на Тотенхем и Ватфорд за бизарниот саботен меч (1:1) и вети дека ќе работи со судиите и со Премиер лигата на решавањето на проблемите.

 

Ватфорд имаше „летечки старт“ на мечот откако Абдулаје Дукуре постигна гол во шестата минута за тимот на последното место на Премиер лигата, но тие не добија пенал кога Јан Фертонген го собори Жерард Деулофеу во шестнаесетникот. Потоа, Деле Али постигна гол, кој прво беше поништен од ВАР-системот, кој прво на големиот екран покажа дека нема гол, за потоа да ја поправи одлуката.

 

„Работиме заедно со судиите и со Премиер лигата да ги сфатиме причините за овој проблем и работиме на мерки со кои ќе осигураме ова да не се повтори“, се вели во соопштението.

 

Тренерот на Ватфорд, Кике Санчез Флорес изјави дека губи доверба во ВАР системот, велејќи дека станува очигледно дека не се работи за „објективен“ систем.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.