Хамилтон: ФИА го „скроти“ моторот на Ферари!
- Детали
- Категорија: Спорт
- Создадено: 03 Ноември 2019
Светскиот шампион Луис Хамилтон верува дека Светската автомобилистичка федерација (ФИА) реагирала и затоа Ферари веќе ја нема големата предност во однос на брзината на Американското ГП во Остин.
Околу моторите на Ферари цела година има голем број на шпекулации и повеќе тимови бараа објаснување од ФИА за потенцијално нелегалната предност на Скудерија.
„Нека протестираат! Тогаш сите ќе видат колку се глупави нивните обвинувања и шпекулациите ќе престанат“, изјави оваа недела шефот на Ферари, Матија Биното.
Но, сега Мерцедес сметаат дека последната техничка директива на ФИА значи дека е „укротена“ предноста на Ферари.
„Доволен факт е тоа што имаме прва пол-позиција од Хокенхајм“, изјави шефот на Мерцедес, Тото Волф, но Луис Хамилтон беше подиректен: „Очигледно Ферари загубија дел од моќта поради ФИА, така што ќе биде интересно во трката“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
