Британија се пласираше во полуфинале, Надал им даде надеж на Шпанците
- Детали
- Категорија: Спорт
- Создадено: 23 Ноември 2019
Велика Британија е третиот полуфиналист во Дејвис купот по 2:0 победата над Германија, додека Рафаел Надал успеа да ги врати домаќините Шпанија и да израмни 1:1 во дуелот со Аргентина.
Кајл Едмунд во првиот меч со 6:3/6:2 го „збриша“ Филип Колшрајбер за предност на Британија, пред Ден Еванс во епски меч со 7:6(6)/3:6/7:6(2) да го победи Јан-Ленард Штруф за победа пред дуелот во двојки.
На Шпанците пак, во Мадрид им беше потешко. Гвидо Пелја се врати од сет негатива за со 6:7(3)/7:6(4)/6:1 да го победи Роберто Баутиста Агут за водство на Аргентина, пред Рафа Надал со 6:1/6:2 да го „збрише“ Диего Шварцман за израмнување. Сега, противникот на Британија во утрешното полуфинале ќе се одлучува во мечот во двојки, за кој засега се пријавени Фелисијано Лопез и Марсел Гранолјерс кај Шпанците и Максимо Гомез и Леонардо Маер кај Аргентинците.
Во првото полуфинале утре ќе се сретнат репрезентациите на Канада и на Русија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс