Харден ја помина границата од 20.000 поени, Хјустон до лесна победа

Џејмс Харден стана 45. НБА кошаркар во историјата кој ја надминал границата од 20.000 поени во кариерата, за Хјустон рокитс да стигнат до 139:109 победа над Минесота тимбервулфс.

 

Харден постигна тројка на 6:30 пред крајот на првото полувреме за да стигне до оваа бројка, по што мечот го заврши со 32 поени, 12 скока и 8 асистенции. За Хјустоон ова е 21. победа во 25 меча со Тимбервулфс и 13-та победа во низа дома.

 

Јанис Адетокумбо имаше 32 поени, 17 скока и 6 асистенции за да ги предводи Милвоки бакс до убедлива 122:101 победа над Портланд. Крис Мидлтон додаде 30 поени, Ерик Бледсоу имаше 29 за Бакси да стигнат до осма победа во последните девет меча и првата половина од сезоната да го завршат со 35-6 скор.

 

Лос Анџелес лејкерс пак, без Леброн Џејмс и Ентони Дејвис, стигнаа до 125:110 гостинска победа кај Оклахома Сити тандер. Кајл Кузма имаше 36 поени, додека за Тандер по 24 поени имаа Галинари и Гилгус-Александер. За Лејкерс ова е осма победа во низа.

 

Лука Дончиќ и Двајт Пауел имаа по 19 поени за Далас со доминантна трета четвртина да ги победат Филаделфија со 109:91, за петти пораз во седум меча за Сиксерси.

 

НБА РЕЗУЛТАТИ

Хјустон – Минесота 139:109

Бостон  – Њу Орлеанс 140:105

Детроит – Чикаго 99:108

Оклахома – ЛА лејкерс 110:125

Далас – Филаделфија 109:91

Денвер – Кливленд 103:111

Портланд – Милвоки 101:122





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.