Сусо спаси поен за Севилја против „отпишаниот“ Еспањол
- Детали
- Категорија: Спорт
- Создадено: 16 Февруари 2020
Сусо го постигна својот прв гол во дресот на Севилја, за во 80-тата минута од мечот да им донесе 2:2 реми со последнопласираниот тим на Еспањол, во уште една разочарувачка партија за тимот на Хулен Лопетеги.
Лукас Окампос донесе 1:0 предност за домаќините на „Рамон Санчез Писхуан“, но Еспањол, кој грчевито се бори за опстанок, успеа да направи целосен пресврт – Ембарба во 35. минута израмни, а Ву Леи во 50-тата минута постигна гол за 1:2 водство.
Меѓутоа, гостите останаа со играч помалку по вториот жолт картон за Виктор Санчез, по што Сусо во 80-тата минута ги постави конечните 2:2. Севилја останува на петтото место на табелата со 40 поени, пропуштајќи шанса да ги помине Атлетико Мадрид на четвртото место.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
