Тотенхем доби „подарок“ во 94. минута за победа над Астон вила!
- Детали
- Категорија: Спорт
- Создадено: 16 Февруари 2020
Тотенхем стигна до неверојатна 3:2 победа на гостувањето во Бирмингем кај Астон вила, откако и покрај фантастичната игра на домашниот тим, неверојатна грешка во 94. минута на Енгелс му дозволи на Хеунг-Мин Сон да постигне гол за три поени.
Возбудливиот меч почна со автогол на Тоби Алдервајрелд уште во деветтата минута од мечот, но тој веднаш се врати со убав гол во 27. минута за израмнување на „Вила парк“. Тотенхем во финишот на полувремето добија совршена шанса да израмнат од белата точка. Ударот на Хеунг-Мин Сон беше одбранет, но во повторениот обид тој успеа да го совлада голманот.
Во второто полувреме Бјорн Енгелс во 53. минута израмнува за Вила со убав удар со глава и кога се мислеше дека мечот ќе заврши со (заслужено реми), истиот фудбалер прави грешка во 94. минута по која Сон не греши.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
