Коронавирусот нема да го одложи почетокот на ЕУРО 2020
- Детали
- Категорија: Спорт
- Создадено: 28 Февруари 2020
Дали УЕФА ќе го одложи почетокот на Европското првенство или не? Прашањето се наметнува откако поради коронавирусот се одложуваат или откажуваат сѐ повеќе спортски натпреварување низ светот.
Европското првенство треба да започне на 12 јуни со натпревар што ќе се одигра во Рим. Иако Италија во моментов е најголемото жариште на коронавирусот УЕФА барем засега нема планови да го одложи почетокот на првенството.
„УЕФА разговара со локалните и меѓународните власти во врска со коронавирусот. Засега нема никакви потреби распоредот на ЕП да биде променет“, соопштија од седиштето на европската куќа на фудбалот во Нион.
Според последните информации во Италија од коронавирусот досега починале 12, а заразени се 325 лица.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
