Повторно е одложен стартот на Ф1 сезоната

Првенството во Формула 1 нема да започне со трката за Големата награда на Азербејџан. Според календарот трката низ улиците на Баку требаше да се вози на 7 јуни.

Формула 1 досега ги одложи или откажа трките во Австралија, Бахреин, Вијетнам, Кина, Холандија, Шпанија, Монте Карло.

Според информациите од Ф1 постои можност трката во Азербејџан и оное трки што претходно беа одложени да се возат подоцна. Сигурно е само дека сезонава нема да се вози во Австралија, Кина и Монте Карло.

Еден од директорите на Формула 1, Чејс Кери, признал дека челниците на „најбрзиот циркус“ не знаат кога ќе почне сезоната.

„Јасно ни е дека луѓето сакаат да знаат кога ќе се вози првата трка, но ние не можеме да им понудиме конкретна информација. Планот ни е да се тркаме во 2020 година. Секојдневно сме во контакт со експертите, се обидуваме да ја стартуваме сезоната. Секако сите треба да бидат безбедни“, рекол Кери.

Во овој момент најреално е сезоната да започне со трката за Големата награда на Канда на 14 јуни.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.