Компани понуди самиот да ги плаќа платите на соиграчите во Андерлехт

Поранешниот капитен на Манчестер сити, Винсен Компани понуди лично да ги исплаќа платите на неговите соиграчи од Андерлехт доколку тие одбијат да се согласат на откажување од платата поради корона вирусот.

33-годишниот Компани, кој оваа сезона се врати во својот клуб од Брисел како фудбалер и менаџер, уште еднаш ја покажа љубовта кон клубот кому не му оди најдобро во последните години, ниту финансиски, ниту резултатски.

Андерлехт побара од своите фудбалери да се откажат од една плата, но Компани е тука да помогне, јавуваат белгиските медиуми, за да се избегне отпуштање на дел од вработените во клубот или на самите фудбалери.

Андерлехт не е единствениот клуб кој има проблеми да се соочи со отсуството на прилив на пари поради прекинувањето на лигите – откако Барселона ги намали платите на играчите за неверојатни 70 отсто, а и во Јувентус имаше големо „кратење“.

 

 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.