Срна открива зошто ја одбил Барселона

Легендата на Шахтјор кој сега работи како помошен тренер во клубот Дарио Срна одговорил на бројни прашања што му ги поставиле навивачите на „Инстаграм“. Меѓу другото Срна открил дека ја пишува својата биографија.

Срна (37) долги години е во Украина, во Шахтјор пристигнал во 2003 година од Хајдук Сплит. Украина ја смета за своја втора татковина.

Открил дека сака да организира проштален натпревар во Доњецк на Донбас арена. Шахтјор веќе неколку години не игра во овој град кој се наоѓа под контрола на про-руските сили.

Одговарајќи на прашањето на еден навивач Срна ја открил причината зошто во јануари во 2017 година решил да ја одбие понудата што ја испратиле од Барселона.

„Го послушав срцето. Не можев да заминам од Шахтјор додека се водеше војна. Не сакав луѓето да помислат дека заминувам од клубот бидејќи Шахтјор мораше да го напушти Доњецк. Почувствував дека тоа е важен момент во нашите животи. Знам колку ме почитуваат и сакаат во Доњецк, исти чувства имам и јас, едноставно не сакав да ги разочарам тие луѓе. Не жалам поради одлуката да ја одбијам Барселона. Моето срце реши да останам во Шахтјор“, рекол Срна.

Дарио Срна 15 години го носел дресот на Шахтјор, одиграл 536 натпревари и освоил 26 трофеи.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.