УЕФА размислува за ЕУРО без публика
- Детали
- Категорија: Спорт
- Создадено: 14 Октомври 2020
Еврпското првенство во фудбал поради пандемијата со коронавирусот е поместено за една година, но како што сега стојат работите се соочува со нов удар.
Претседателот на УЕФА Александар Чеферин не ја исклучил можноста континенталниот шампионат да биде одржан без навивачи. Тој ја отфрлил можноста првенството да се игра во „меури“ бидејќи според планот ЕП ќе се игра во 12 градови.
„Не размислуваме за „меури“, истото го мислам и за Лигата на шампионите и Лига Европа. Прашањето е само дали турнирто ќе се игра со или без навивачи. Дали да се дозволи 30, 50 или 70 отсто од полниот капацитет на стадионите. Во теорија, иако сакаме ЕП да биде во 12 држави, можеме да го организираме и во 11, 10, три или во краен случај само во една држава“, изјавил Чеферн за германската државна телевизија АРД.
Европското првенство треба да почне за осум месеци.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс