Фрапар ќе биде првата судијка на меч од Лигата на шампионите
- Детали
- Категорија: Спорт
- Создадено: 30 Ноември 2020
Французинката Стефани Фрапар ќе биде првата судијка која ќе биде одговорна за меч од Лигата на шампионите, откако УЕФА ја делегираше за мечот помеѓу Јувентус и Динамо Киев во среда.
36-годишната Фрапар беше првата судијка која беше дел од големо натпреварување на УЕФА, откако ја делеше правдата на Суперкупот на УЕФА помеѓу Ливерпул и Челси во Истанбул минатата година. Таа исто така беше судијка на женското финале на СП помеѓу САД и Холандија лани, минатата година беше првата судијка во меч од Лига 1 (Амиен-Стразбур) како и прва судијка во Лига Европа (Лестер-Зорја Луханск).
Швајцарката Никол Петиња беше првата жена судијка во меч на УЕФА откако беше одговорна за три мечеви од квалификациското коло на УЕФА купот од 2004 до 2009.
Судијката Фрапар влезе во фудбалската историја во Истанбул
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
