Барса во Будимпешта без Меси, Кутињо и Тер Штеген
- Детали
- Категорија: Спорт
- Создадено: 01 Декември 2020
Барселона, утре, ќе гостува кај Ференцварош во Лигата на шампионите. Дуелот против унгарскиот шампион ќе го пропушти Лионел Меси. Тренерот, Роналд Куман, решил да го одмори Аргентинецот. Меси го пропушти и гостувањето на Барселона во Киев, минатата недела.
Покрај Меси, Барселона во Будимпеша ќе биде и без Филипе Кутињо, кој неодамна се врати во тимот, а одмор ќе добие и голманот Марк-Андре тер Штеген.
Шпанските медиуми објавија дека овие тројца го пропуштиле утринскиот тренинг, што е знак дека нема да патуваат со тимот во Унгарија.
Барселона, во пресрет на последните две кола во групата, веќе обезбеди пласман во осмина-финалето.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
