По поразот од Реал, тројца „црвени“ мета на расисти!
- Детали
- Категорија: Спорт
- Создадено: 07 Април 2021
Ливерпул синоќа со 3-1 беше поразен во Мадрид кај Реал во првиот четвртфинален меч од Лигата на шампионите. Веднаш по мечот тројца црномурести фудбалери од гостинскиот состав биле мета на расистички напади.
На Инстаграм се огласија Трент-Александер-Арнолд, Наби Кеита и Садио Мане, а поединци во коментари им испратиле емотикони во форма на мајмуни.
Веста ја објави „Sky Sports“, а од социјалната мрежа Фејсбук која е сопственик на Инстаграм соопштија дека ќе истражат што точно се случило, а расистите ќе ги санкционираат.
Со соопштение се јавија и од фудбалскиот клуб Ливерпул:
„Уште еднаш, за жал, зборуваме за расно злоставување утро по фудбалскиот меч. Тоа е крајно неприфатливо и мора да престане. Ливерпул осудува секаков облик на дискриминација и продолжува да соработува со нашите инклузиски партнери. Како клуб, на нашите играчи ќе им ја дадеме комплетната поддршка која ќе им треба, а со властите ќе соработуваме за да ги идентификуваме одговорните“ – се вели меѓудругото.
It is utterly unacceptable. It has to stop. pic.twitter.com/ij8qykJjqU
— Liverpool FC (@LFC) April 7, 2021
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
