1-ва Скопска - МТМ Телевизија

Газдата на Манчестер сити, Шеик Мансур дал зелено светло по „било која цена“ клубот следното лето да го донесе Килијан Мбапе од Пари Сен-Жермен, со што би се решил проблемот на напаѓачи на Сити, и во исто време би се упатил удар кон блискоисточните ривали.

Реал Мадрид се први фаворити за потписот на Мбапе кога ќе му заврши договорот следното лето, откако ова лето имаа понуда од дури 200 милиони евра која беше одбиена од ПСЖ, кои се надеваат дека ќе го убедат да остане на „Паркот на принцовите“.

22-годишниот Мбапе ќе може да преговара со клубови кои се заинтересирани да го донесат веќе од јануари, кога ќе може да потпише и пред-договор. Сити, од друга страна, не успеа да се договори со Тотенхем за трансферот на Хери Кејн ова лето, откако лондонскиот клуб бараше 160 милиони фунти.