Полицијата влета кај озогласените хулигани на Барса – дрога, оружје и нацистички знамиња!
- Детали
- Категорија: Спорт
- Создадено: 27 Ноември 2021
Шпанската полиција уапси 14 членови на Боичос Ноис (Boixos Nois), или во превод „Луди момци“ во каталонски, озогласената навивачка група на Барселона и во рацијата заплени 300.000 евра во кеш, еден куп оружје, дрога и нацистички знамиња.
Лудите момци почнаа како левичарска социјалистичка групација во раните 1980-тите, пред подоцна да бидат преземени од ултра-десничари. Тоа е групата која фрли свинска глава на теренот на „Ноу Камп“ во „Ел Класико“ во 2002, кога Луиш Фиго се врати како играч на Реал Мадрид, а потоа во 2003 при изборите за претседател го нарекоа кандидатот Луис Басат „еб.н евреин“. Претседателот Жоан Лапорта, во првиот мандат, им забрани да присуствуваат на мечевите на Барселона, и покрај заканите со смрт кои ги доби.
Рацијата била изведена во 18 куќи во Барселона, меѓу кои имало и бордел, а биле пронајдени и 5.000 насади марихуана и 42 килограми од дрогата. Вкупно 20 банкарски сметки се зармзнати, а запленети се три куќи и 27 возила како дел од операцијата која започна на почетокот на 2020.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс