„Газета“ се прашува: Како Јуве може да си приушти 125 милиони евра за Влаховиќ?
- Детали
- Категорија: Спорт
- Создадено: 25 Јануари 2022
Душан Влаховиќ во следните 48 часа ќе стане фудбалер на Јувентус, по што италијанскиот спортски весник „Ла газета дело спорт“ го поставува најинтересното прашање – како италијанскиот шампион може да си приушти да даде 125 милиони евра за српскито напаѓач.
Повеќе италијански извори посочија дека договорот е вреден 67 милиони евра плус лесни бонуси кои ја креваат цената на 75 милиони евра, иста сума која беа подготвени да ја дадат и Арсенал, Њукасл, Тотенхем и Атлетико Мадрид.
Според „Газета“, заедно со платата и со сите трошоци, Влаховиќ ќе ги чини Јувентус фантастични 125 милиони евра, што е зачудувачка сума за клуб кој имаше дефицит од 210 милиони евра во сезоната 2020/21.
Нивното објаснување е дека за Јувентус ова е „неопходна инвестиција“ за да се избегне поголема загуба, како неуспехот да влезат во Лигата на шампионите, која носи 80 милиони евра од сезона. Покрај тоа, договорот може да е сличен на тој кој го склучија со Фиорентина за Федерико Киеза и со Сасуоло за Мануел Локатели со „ширење“ на трошоците на повеќе години и рати. Зголемувањето на капиталот од 400 милиони евра усвоен неодамна, ќе помогне да се исплатат долговите и ќе се обезбеди 80-тина милиони евра за трансфери.
Сепак, „Газета“ тврди дека ќе мора да се штеди на други места – ќе се понудат пониски плати на фудбалерите со кои се преговара аз нови договори, а најголема „жртва“ може да биде Пауло Дибала, кој неодамна призна дека неговите преговори со клубот се одложени за февруари, по крајот на преодниот рок.
Влаховиќ е пред трансфер во Јувентус – Во 2020 одлучил да го облече дресот на великанот од Торино
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс